Qostanaı oblysynyń ákimi Arhımed Muhambetov Qostanaı qalasynyń joldarynyń jaǵdaıymen tanysty. Bıyl oblys ortalyǵyndaǵy birnee kóshege jóndeý jumystary jasalmaq. Bul týraly Aımaq basshysy «Instagram» paraqshasynda jazdy.

Jalpy, 2020 jyly kólik ınfraqurylymyn damytýǵa jáne aýla aýmaqtaryn abattandyrýǵa 6,3 mlrd teńge jumsalady. Bul qardynyń árbir tıynyna deıin josparlanǵan. Aǵymdaǵy jyly qyrýar ınfraqurylymdyq jumystar kútip tur.

«Barlyǵy 40 kóshe jóndeýden ótedi, bul 40,6 shaqyrym. Sondaı-aq 34 shaqyrym jolǵa jańa asfáltbeton salý josparlanýda. Qostanaı qalasynyń basshylyǵyna merdigerlik uıymdar júrgizgen jol tósemderin jóndeý boıynsha jumystardy baqylaýda ustaýdy jáne jumystardy júrgizý merzimderiniń buzylýyna jol bermeýdi tapsyrdym», — dep jazdy óńir basshysy Arhımed Muhambetov.

Qala ákimdiginiń baspasóz qyzmetinde belgili bolǵandaı, buǵan deıin 10 kóshe ortasha ádispen qaıta jóndeldi. Olardyń arasynda Naberejnyı, Karbyshev, Altynsarın jáne Energetıkter sıaqty birneshe jyl jóndeý kórmegen kósheler bar. Lermontov kóshesinen Baımaǵambetov-Altynsarın kóshelerine shyǵar jol resaıklıng ádisimen jóndeldi.