Tótenshe jaǵdaı kezinde 6-18 jas aralyǵyndaǵy balalary bar otbasylar azyq-túlik, turmystyq jıyntyqtarmen qamtamasyz etiledi. Bul týraly óńirlik komýnıkasıalar qyzmetinde oblystyq jumyspen qamtýdy úılestirý jáne áleýmettik baǵdarlamalar basqarmasynyń basshysy Gúlnár Ábenova málim etti.

Tótenshe jaǵdaılar ýaqytynda eńbekaqysy tólenbeı, májbúrli demalysqa shyqqan qazaqstandyqtar Memlekettik áleýmettik saqtandyrý qorynan (MÁSQ) áleýmettik tólemder alady. Bir qyzmetkerge beriletin áleýmettik tólem mólsheri aıyna 42,5 myń teńgeni quraıdy.

«Halyqty jumyspen qamtýdy qamtamasyz etý máselelerin jedel sheshý jáne qosymsha jumys oryndaryn qurý maqsatynda QR Úkimeti jol kartasyn ázirledi. Jol kartasy áleýmettik-mádenı, turǵyn úı-kommýnaldyq sharýashylyq, ınjenerlik-kóliktik ınfraqurylym salasynyń obektilerin jóndeý, qaıta jańartý, eldi mekenderdi abattandyrý jónindegi jobalardy iske asyrýdy kózdeıdi. Joba Jumyspen qamtý ortalyqtarynyń joldamasy boıynsha jumyssyz azamattarǵa qosymsha jumys oryndaryn qurýǵa múmkindik beredi», — deıdi Gúlnár Ábenova. Basqarma basshysynyń aıtýynsha, tótenshe jaǵdaı kezinde 6 jastan 18 jasqa deıingi balalary bar otbasylar azyq-túlik, turmystyq jıyntyqtarmen qamtamasyz etiledi. Qazir oblysta 5 myńnan astam otbasy osyndaı kómekke qol jetkizedi. Al AÁK alatyn 1 jastan 6 jasqa deıingi balalary bar otbasylarǵa aı saıyn azyq-túlik jıyntyǵy jáne gıgıenalyq quraldar beriledi.