Aldaǵy kúnderi Qostanaı oblysynda jylý berý maýsymy aıaqtalady. Bul týraly oblys ákimi Arhımed Muhambetov áleýmettik jelide jazdy.

Búgin óńir basshysy qala jáne aýdan ákimderimen selektorlyq keńes ótkizdi. Jıyn barysynda 2019-2020 jyldardaǵy jylytý maýsymynyń qorytyndysy qaraldy.

«Oblys aýdandary jylýmen qamtamasyz etýden ajyratylady. Jalpy aǵymdaǵy jylytý maýsymynyń qorytyndysy boıynsha tirshilikti qamtamasyz etetin barlyq kásiporyndar, oblystyń áleýmettik sala obektileri turaqty jumys istedi. 2020 jyldyń 1 sáýirinen bastap oblysta jylýmen, sýmen jabdyqtaý jáne káriz tarıfteri 2%-dan 10%-ǵa deıin tómendetilgenin atap ótemin»,- dep jazdy Arhımed Muhambetov.

Keńes otyrysynda Jumyspen qamtý Jol kartasynyń aıasynda atqarylǵan sharalar aıtyldy. Jalpy bul baǵytta 22 joba qarastyrylǵan. Oǵan 33 mlrd teńge qarajat bólindi. Jobalar TKSh salasyn jańǵyrtýǵa baǵyttalǵan.

«Sondaı-aq bilim salasyndaǵy baǵdarlamalardyń júzege asyrylý barysyn talqyladyq. 2020 jyly 135 bilim nysanyna jalpy somasy 13,1 mlrd teńge baǵyttaldy. Barlyǵy 2300-den astam jumys ornyn qurý josparlanǵan», — dep jazdy oblys ákimi.

Jıyn sońynda Arhımed Muhambetov qala jáne aýdan ákimderine, oblystyq mekemelerdiń basshylaryna TKSh júıesiniń turaqty jumys isteýin, Jumyspen qamtýdyń jol kartasy jobalaryn qaıta jańǵyrtý máselesin baqylaýda ustaýdy tapsyrdy.