Karantın qyspaǵyna qaramastan aımaq turǵyndarynyń memleket qyzmet túrlerine degen suranysy tómendemeı otyr. Basty sebep memlekettik uıymdardyń sońǵy bir aı ishinde jappaı onlaın jumys tártibine kóshýi bolsa kerek.
Tótenshe jaǵdaıda turǵyndar suranysyn ońtaılandyrý maqsatynda Meńdiqara aýdanynda taǵy bir «Kómek alańy» ortalyǵy ashyldy. Munda turǵyndar qajet qyzmetti túrlerin «bir tereze» arqyly ala alady. Front-keńseniń ashylý rásimine Qostanaı oblysynyń ákimi Arhımed Muhambetov qatysty.
Jobanyń maqsaty – memlekettik organnyń jumysyn ashyq kórsetip, halyqqa qoljetimdi etý. Front-keńselerdiń qyzmeti memleket pen halyq arasyndaǵy kedergilerdi, sondaı-aq sybaılas jemqorlyqty barynsha boldyrmaýǵa baǵyttalǵan.
«Kómek alańy» zamanaýı baılanys jáne komýnıkasıa quraldarymen qamtylǵan. Sondaı-aq azamattardy «open speıs» formatynda qabyldaıtyn arnaıy bólme bar.
Aımaq basshysynyń aıtýynsha, mundaı front-keńseler búginge deıin Qostanaı, Rýdnyı, Tobyl qalalary men Beıimbet Maılın, Amangeldi, Áýlıekól, Denısov, Jangeldın, Naýryzym aýdandarynda ashylǵan. «Kómek alańdary» qazir tıimdi ári sapaly, jedel jumys atqarýda. «Kómek alańy» ortalyqtary jyl aıaǵyna deıin oblystyń barlyq aýdandarynda ashylmaq.
Kómek alańdary qazirgi ýaqytta qarqyndy jumys atqarýda. Dál osyndaı keńselerdi jyl aıaǵyna deıin óńirdiń qalǵan aýdandarynda da ashý josparǵa alynǵan.
Aıta keteıik, Qazaqstandyqtar karantın bastalǵaly beri HQO-nyń biryńǵaı terezesinen 76 myńnan astam daıyn qujatyn alyp ketken. Bul qujattardyń basym bóligi karantın barysynda onlaın rásimdelgen, qalǵan bóligi – HQO jabylǵanǵa deıin. Qazaqstanda tótenshe jaǵdaı jarıalanǵaly beri egov.kz portaly arqyly onlaın túrde 4 306 avtomobıl tirkelgen.
Esterińizge salaıyq, 26 naýryzdan bastap barlyq halyqqa qyzmet kórsetý ortalyqtarynyń jumysy toqtatylǵan bolatyn. «Azamattarǵa arnalǵan úkimet» memlekettik korporasıasy qazaqstandyqtar úshin budan buryn ótinish berilgen, sondaı-aq, elektrondy formatta tapsyrys berilgen qyzmetter boıynsha daıyn qujattardy alyp ketýge bolatyn biryńǵaı terezeni iske qosty. Bul úshin ár qala men aýdandarda bir-bir HQO belgilengen bolatyn.
