Еженедельная региональная аграрная общественно-политическая газета, г.Костанай, ул.Тәуелсіздік 83, Офис 621, 54-81-20, 54-08-30 kostanay-agro@mail.ru

Мы в соцсетях

Жедел штаб шешімі

Қостанай облысының әкімдігінде коронавирустық инфекцияның таралуына жол бермеу бойынша жедел штабтың отырысы өтті. Мұнда шектеу шараларынан босатылатын нысандардың тізімі жасалды.

Аймақ басшысы Архимед Мұхамбетовтің төрағалығымен өткен жиында 2020 жылдың 4 мамырынан бастап шектеу шараларын жеңілдету мәселелері қаралды. Жиын қорытындысына сай, Штаб бірқатар мекеменің жұмыс істеуіне рұқсат беретін болды. Атап айтқанда:

1. Шаштараз (тек алдын ала жазылу бойынша);

2. Автосалондар, гүл павильондары, фотосалондар, фотоателье, жылжымайтын мүлік агенттіктері, жарнама агенттіктері, тұрмыстық және ұйымдастыру техникасын жөндеу шеберханалары;

3. Ауданы 500 шаршы метрге дейінгі азық-түлік сатпайтын дүкендер сағат 10-00-ден 17-00-ге дейін;

4. Тұрмыстық техника дүкендері;

5. Оптика дүкендері;

6. Медицина орталықтары, стоматологиялар (алдын ала жазу бойынша);

7. Ақша айырбастау пункттері;

8. Ақпараттық — коммуникациялық технологиялар компаниялары.

Сонымен қатар, жұмысқа жеке көлікпен баруға рұқсат беру туралы шешім қабылданды.

Сондай-ақ, осы жылдың 11 мамырынан бастап Халыққа қызмет көрсету орталықтары жұмысын қайта бастайды. «Электрондық үкімет» порталы арқылы қызметтің 80% — дан астамын алуға болады (559 мемлекеттік қызмет). Отырыс қорытындысында облыс әкімі штаб қабылдаған шешімді орындауды тапсырды.