Nur Otan partıasynyń oblystyq fılıaly Almaty qalasynda ótetin sporttyq jıynǵa qatysa almaı otyrǵan jergilikti boksshylarǵa qarjylaı kómek kórsetti.

Jergilikti sportshylarǵa qoldaý kórsetý bizdiń paryzymyz. Búgin bizge áıelder boksy boıynsha Azıa chempıony Nadejda Rábestiń jattyqtyrýshysy R. Mınıchkın jıynǵa qatysýǵa barý úshin qarjylaı kómek kórsetý týraly ótinishpen keldi. Jergilikti sportshylardy qashanda qoldaımyz, múmkindiginshe qol ushyn sozýǵa daıarmyz. Nadejda Rábes –bolashaǵynan zor úmit kúttiretin boksshymyz. Sondyqtan ótinishti aıaqsyz qaldyra almadyq», — oblystyq fılıal tóraǵasynyń birinshi orynbasary Eldar Kúzenbaev.

Alataý baýraıyndaǵy sporttyq jıynǵa Qostanaı oblysynan Nadejda Rábes pen Vladıslava Kýhta barady. Nadejda Rábes Tokıo olımpıadasyna lısenzıa jeńip alǵan birden-bir qostanaılyq boksshy ekenin aıta ketken jón.