Aımaqta agroónerkásip keshenin sıfrlandyrý bes baǵyt boıynsha júzege asyrylyp jatyr. Búginde alqapty jappaı óńdeýden bas tartyp, qajetti telimdi ǵana óńdeý, et, sút fermalaryn avtomattandyrý óndiris tıimdiligin arttyrýǵa múmkindik berip otyr.

Bıyl aýyl sharýashylyǵy salasyn sıfrlandyrýǵa kóp kóńil bólinip. «Aqyldy» et, sút fermasy, qus fabrıkasy men ózge de óndiristerdi avtomattandyrý qolǵa alynbaq.

«Aýyl sharýashylyǵy mınıstrliginiń tapsyrmasyna sáıkes, 2022 jylǵa deıin oblys aýmaǵynda 381 sıfrlyq ferma qurylady. Bıyl sıfrlandyrý sharalary boıynsha pılottyq joba ósimdik óndirisimen aınalysatyn 41 seriktestik jáne iri qara ósirý isin qolǵa alǵan 33 sharýa qojalyǵynda júzege asyrylady. Eginshilik isinde zamanaýı agregattardy paıdalaný kózdelgen. Sonymen qatar, dıqandarǵa dán sińirýdiń ınovasıalyq júıesin qoldaný usynyldy. Bul rette, olarǵa memlekettik qoldaý sharalary jaqsy dárejede kórsetiledi», — delingen oblys ákiminiń baspasóz qyzmeti taratqan habarlamada.

Sıfrlyq tehnologıalardy engizýdiń jemisin dıqandar biraz jyldardan beri kórip keledi. Máselen, alqapty suryptap óńdeý tehnologıasyn engizý arqyly dıqandar óndiris tıimdiligin jaqsaryp, janar-jaǵarmaı shyǵynyn azaıtýǵa qol jetkizgen. Nátıjesinde astyq túsimi 3 sentnerden 5 sentnerge deıin ulǵaıǵan.