Еженедельная региональная аграрная общественно-политическая газета, г.Костанай, ул.Тәуелсіздік 83, Офис 621, 54-81-20, 54-08-30 kostanay-agro@mail.ru

Мы в соцсетях

Qostanaı oblysynda 4,2 myń páter salynady

Qostanaı oblysynda 2020-2025 jyldarǵa arnalǵan «Nurly jer» memlekettik baǵdarlamasy sheńberinde 379,3 myń sharshy metr turǵyn úı nemese 4,2 myń páter salý josparlanǵan. Onyń 237,1 myń sharshy metri – kóp páterli turǵyn úı, 142,2 myń sharshy metri – jeke úıler.

Bıyl alǵashqy toqsan qorytyndysy boıynsha oblysta 1 119 páter paıdalanýǵa berilgen. Bul týraly óńirlik komýnıkasıalar qyzmeti alańynda baspasóz jıynyn ótkizgen qurylys, sáýlet jáne qala qurylysy basqarmasynyń basshysy Berik Tańjaryqov baıan etti.

«Nurly jer» baǵdarlamasyna 2020 jyly búdjetten 18,2 mlrd teńge qarastyrylyp otyr. Onyń 2 mlrd teńgege jýyǵy turmysy tómen turǵyndarǵa úı salýǵa jumsalmaq. Munyń syrtynda, kóp balaly otbasylarǵa arnalǵan 108 páter satyp alý jospardabar. Búginge deıin bul maqsatta Qostanaı qalasynan 58 páter satyp alynypty.

Jumyspen qamtýdyń jol kartasy aıasynda kóp páterli 5 turǵyn úıdi qaıta jańartýǵa jáne 2 úı turǵyzýǵa 1,2 mlrd teńge kóleminde qarajat bólingen.

Basqarma basshysynyń aıtýynsha, bıyl «Áýejaı» shaǵyn aýdanynda kóp qabatty 4 turǵyn boı kóteredi. Al 2021 jyly 108 páterli taǵy bir kóp qabatty turǵyn úı salynady. Bıyl, sonymen qatar, «Iýbıleınyı» shaǵyn aýdanynda búdjet qarajatyna 6 úı jáne komersıalyq maqsatta 5 úı turǵyzylmaq.