Bıyl «Nurly jer» memlekettik baǵdarlamasy aıasynda turǵyn úı qurylysyn júrgizý maqsatynda búdjetten 18,6 mlrd teńge bólindi. Qarajatqa «Iýbıleınyı» jáne «Aeroport» shaǵyn aýdandaryn keńeıtý josparlanǵan. Qostanaı oblysynyń ákimi Arhımed Muhambetov osy shaǵyn aýdandardaǵy qurylys jumystarymen tanysyp qaıtty.

«Iýbıleınyı» shaǵyn aýdanynda jalpy aýdany 65,3 myń sharshy metr 4 jalǵa beriletin, 2 nesıelik jáne 5 komersıalyq úı qurylysy aıaqtalady. Qoldanysqa engizilgeli turǵan baspanalar 1024 otbasyna buıyrýy tıis. «Aeroport» shaǵyn aýdanynda biryńǵaı sáýlet beınesi aıasynda, úı qurylysy kombınatynyń tehnologıasy boıynsha aǵymdaǵy jyly paıdalanýǵa berý merzimimen jalpy kólemi 22,8 myń sharshy metr bolatyn 4 kópqabatty nesıelik turǵyn úıdiń qurylysy júrgizilýde.

Budan basqa, jalpy aýdany 10,5 myń sharshy metrdi quraıtyn 108 páterli nesıelik turǵyn úıdiń qurylysy bastalady. Nysan 2021 jyly paıdalanýǵa berilýi tıis. Turǵyn úı qurylystarymen tanysyp shyqqan aımaq basshysy «Aeroport» shaǵyn aýdanyndaǵyshaǵyn kóldiń jańa jaǵalaý qurylys jobasymen tanysty. Sapar sońynda oblys basshysy qala ákimi Qaırat Ahmetovke qurylys barysyn baqylaýda ustaýdy, al merdigerlerge jumysty sapaly jáne belgilengen merzimde aıaqtaýdy tapsyrdy.

Keńeste sóz bolǵandaı, áleýmettik qoldaý sharalary mamandarǵa turǵyn úı satyp alý nemese salý úshin 15 jyl merzimge jyldyq 0,01%-pen 1500 eselik AEK nemese 4 mln.167,0 myń teńge jáne 100 eselik AEK nemese 277,8 myń teńge mólsherinde kóterme járdemaqy berý jolymen júzege asyrylady. «Dıplommen aýylǵa» baǵdarlamasy júzege asa bastaǵannan beri aýyldyq jerlerge 5,1 myńnan astam maman barǵan. Joba aıasynda 6,1 mlrd.teńge, onyń ishinde kóterme járdemaqy tóleýge – 618,0 mln. teńge, turǵyn úı satyp alýǵa búdjettik nesıeler berýge – 5,5 mlrd. teńge bólindi.

Bıyl respýblıkalyq búdjetten turǵyn úı satyp alýǵa nemese salýǵa bólingen búdjettik kredıtterdiń kólemi 2019 jylmen salystyrǵanda 55%-ǵa ulǵaıyp, 1 mlrd.495,2 mln. teńgege jetti. 421 mamanǵa 117,0 mln. teńge kóleminde kóterme járdemaqy qarastyrylǵan. Ústimizdegi jyldyń 1 maýsymyna 9,4 mln.teńgege 34 kóterme járdemaqy berildi. Osy aıda turǵyn úı satyp alýǵa 80 ótinish berýshige 324,9 mln.teńge kóleminde nesıe berý josparlanǵan, onyń ishinde bilim berý mamandaryna – 39, densaýlyq saqtaý mamandaryna – 23. 2019 jyly óńirge 265 dáriger kelgendigin atap ótý kerek.

Dárigerlerge de áleýmettik qoldaýdyń teńdessiz sharalary kórsetildi. Osylaısha, jergilikti búdjetten aýyldaǵy 82 dáriger 123 mln.teńge somasyna 1,5 mln. teńgeden kóterme járdemaqy aldy. Qalaǵa kelgenderge oblys ákimdigimen búdjetten tys qarajattan árqaısysyna 1 mln.teńgeden kóterme aqy tóleý qarastyrylǵan.