Qostanaı oblysy Bas memlekettik sanıtarlyq dárigeri Vladımır Nechıtaılo 1 maýsymdaǵy №24 qaýlyǵa ózgerister men tolyqtyrýlar engiziletinin málimdedi. Qaýlynyń tolyq mátinin nazarlaryńyzǵa usynamyz:

«Men, Qostanaı oblysynyń bas memlekettik sanıtarlyq dárigeri V. S. Nechıtaılo «Halyq densaýlyǵy jáne densaýlyq saqtaý júıesi týraly» Qazaqstan Respýblıkasy Kodeksiniń 7-1, 21,148, 150 jáne 152-baptaryna sáıkes, «Shekteý is-sharalaryn júzege asyrý qaǵıdalaryn bekitý týraly» Qazaqstan Respýblıkasy Ulttyq ekonomıka mınıstriniń 2015 jylǵy 20 naýryzdaǵy № 239 buıryǵyna, «Qazaqstan Respýblıkasynyń halqy arasynda koronavırýstyq ınfeksıamen aýrýlardyń aldyn alý jónindegi sharalardy odan ári kúsheıtý týraly» Qazaqstan Respýblıkasy Bas memlekettik sanıtarlyq dárigeriniń 2020 jylǵy 22 mamyrdaǵy № 37-BDQ qaýlysyna sáıkes (budan ári – QR BMSDQ № 37-BDP) Qostanaı oblysynyń halqy arasynda COVID-19 koronavırýstyq ınfeksıanyń (budan ári – COVID-19) taralýynyń aldyn alý maqsatynda QAÝLY ETEMİN:
            1. Qostanaı oblysy aýmaǵynda koronavırýstyq ınfeksıanyń taralýyna jol bermeý boıynsha shuǵyl shtabtyń sheshimine sáıkes, qalyptasqan epıdjaǵdaıdy eskere otyryp, 2020 jyldyń 15 maýsymynan bastap:

1) «master-klass» nysanyndaǵy balalardyń bos ýaqytyn ótkizý ortalyqtarynyń, úıirmelerdiń, balalardyń sany 20-dan aspaıtyn oqytý fakúltatıvteriniń sanıtarıalyq-epıdemıologıalyq rejımdi kúsheıte otyryp, 3 saǵattan aspaıtyn ýaqytta jumys isteýine ruqsat etiledi;

2) Qostanaı oblysynyń Jitiqara aýdanynda shekteý is-sharalary Qostanaı oblysynyń bas memlekettik sanıtarlyq dárigeriniń 2020 jylǵy 01 maýsymdaǵy № 24 qaýlysymen eskerilgen kólemde júrgizilsin.

2. «Qostanaı oblysynyń turǵyndary arasynda koronavırýstyq ınfeksıa aýrýlarynyń taralýynyń aldyn alý jónindegi qosymsha sharalar týraly» Qostanaı oblysynyń bas memlekettik sanıtarlyq dárigeriniń 2020 jylǵy 01 maýsymdaǵy № 24 qaýlysyna mynadaı ózgerister men tolyqtyrýlar engizilsin:

2 tarmaqty tómendegi mazmunda 9), 10) tarmaqshalayrmen tolyqtyrý:

«9) «master-klass» nysanyndaǵy balalardyń bos ýaqytyn ótkizý ortalyqtarynyń, úıirmelerdiń, balalardyń sany 20-dan aspaıtyn oqytý fakúltatıvterdiń sanıtarıalyq-epıdemıologıalyq rejımdi kúsheıte otyryp, 3 saǵattan aspaıtyn ýaqytta jumys isteýine ruqsat etiledi;

10) memlekettik organdardyń (uıymdardyń), basqa keńselerdiń qyzmetin BMSDQ № 37-BDQ-nyń 23-qosymshasyna sáıkes áleýmettik qashyqtyqty jáne kúsheıtilgen sanıtarıalyq-dezınfeksıalyq rejımdi saqtaı otyryp qamtamasyz etý. Degenmen qyzmetkerlerdiń keminde 80% — y qashyqtyqtan jumys isteý nysanynda qalady (shtat kestesi boıynsha 30-dan astam qyzmetker bolǵanda).».

3. Qostanaı oblysynyń bas memlekettik sanıtarlyq dárigeriniń 15.04.2020 jylǵy № 10, 28.05.2020 jylǵy № 22 qaýlylary kúshi joıyldy dep eseptelsin.

4. Osy qaýlynyń oryndalýyn baqylaýdy ózime qaldyramyn.

5. Osy qaýly qol qoıylǵan sátten bastap kúshine enedi».