Еженедельная региональная аграрная общественно-политическая газета, г.Костанай, ул.Тәуелсіздік 83, Офис 621, 54-81-20, 54-08-30 kostanay-agro@mail.ru

Мы в соцсетях

Tehnıka kiltteri tabystaldy

Qostanaı oblysyna 14 avtosısterna ákelindi. Olar aýyzsý máselesi sheshilmegen aýyldyq jerlerdiń qajetine jaramaq. Oblys ákimi Arhımed Muhambetov «Qostanaı Sý» MKM-ne arnaıy baryp, komýnaldyq kásiporyn ókilderine jańa tehnıkanyń kiltterin tabystady. Kásiporyn basynda keńes ótti, talqyǵa aınalǵan eń negizgi másele – halyqty sapaly aýyzsýmen qamtý.

Osy jyly 31 jobany iske qosý kózdelip otyr. Munń aıasynda sapaly aýyz sýmen 29 aýyldyq eldi meken qamtylmaq. Iaǵnı 31 myńnan astam adam tirshilik nárine qol jetkizedi. Osylaısha, oblysta sýmen qamtý deńgeıi 61,7%-ten 65%-ke, al aýyldar boıynsha 33,5%-ten 36,3% óspek. Sondaı-aq,bes qalada tozyǵy jetken sý ótkizý jelileri men káriz júıeleri jóndeledi. Qalǵan 26 joba keler jylǵa qaldyrylmaq.

«Munyń syrtynda men aýyldarǵa sapaly aýyz sý tasý úshin 14 avtosısterna satyp alýǵa jergilikti búdjetten 375,7 mln teńge bólý sheshimin shyǵardym. Bul ishýge jaramdy sý qaınary joq aýyldarǵa arnalady», — dedi Arhımed Muhambetov.

Energetıka jáne TKSh basqarmasynyń aqparatynsha, bir avtosısternanyń quny 26,6 mln teńge turady. Bular 11 memlekettik komýnaldyq kásiporynǵa beriledi, al olar oblystyń 10 aýdanyna, onyń ishinde 70-ten astam aýylyna sý tasymaq. Munymen qosa, «Qusmuryn JEK» MKK, «Arqalyq JEK» MKK jáne «Qostanaı ońtústik elektr servısi» QMK-ne basqa da arnaıy tehnıkalar satyp alýǵa jergilikti búdjetten qarajat bólindi.