Qostanaı obylsy ákimidigi bilim basqarmasynyń basshysy Záýre Baımenovanyń aıtýynsha, ataýly áleýmettik kómekti myna bes sanattaǵy balalar ala alady: Ol AÁK alýǵa quqyǵy bar otbasylardan shyqqan balalarǵa, AÁK almaıtyn, jan basyna shaqqandaǵy tabysy eń tómengi kúnkóris deńgeıiniń shamasynan tómen otbasylardan shyqqan balalarǵa, jetim balalarǵa, ata-anasynyń qamqorlyǵynsyz qalyp, otbasylarda turatyn balalarǵa, TJ saldarynan shuǵyl járdemdi talap etetin otbasylardan shyqqan balalarǵa, ózge de sanattardan shyqqan oqýshylar men tárbıelenýshiler úshin materıaldyq jáne qarjylyq kómekter kórsetiledi.
— Ótken oqý jylynyń tórtinshi toqsanynda tegin ystyq tamaq uıymdastyrý ornyna oqýshylarǵa 31 mln teńgege azyq-túlik sebeti túrinde kómek kórsetildi, — dep atap ótti Qostanaı oblysy bilim basqarmasynyń basshysy Záýre Báımenova Óńirlik komýnıkasıalar qyzmetinde ótken brıfıń barysynda.
Tórtinshi
toqsannyń úlgisi boıynsha mektep oqýshylaryna azyq-túlik sebetterin berýdi
uıymdastyrý týraly sheshim qabyldandy, olar oblystyń barlyq óńirlerinde tegin
tamaqpen qamtamasyz etilýi tıis. Barlyǵy 14 myńǵa jýyq oqýshy qurǵaq rasıon
alady. Bir azyq-túlik sebetiniń quny 5 500 teńgeden 6 300 teńgege deıin
ózgeredi.
Azyq-túlik sebetin alý úshin osy sanattaǵy oqýshylardyń ata-analary mektep
ákimshiligine ótinishpen júginýi kerek.
Sondaı-aq,
basqarma basshysy qashyqtyqtan oqytý máselesi jóninde aıtyp ótti.
Buǵan deıin BAQ betterinde habarlanǵandaı, Rýdnyı qalasynyń «№ 4
mektep-lıseıiniń» jumysy 16-23 qazan aralyǵynda qashyqtan oqytý formatyna
aýystyryldy, bilim oshaǵyndaǵy medısınalyq qyzmetkerde COVID-19 anyqtalyp otyr.
Óńirlik komýnıkasıa qyzmetinde brıfıń ótkizgen oblystyq bilim basqarmasynyń
basshysy Záýre Báımenova osylaı dedi:
— Bul balalarymyzdyń ómiri men densaýlyǵyn saqtaý maqsatynda qolǵa alynǵan shara. Sonymen qatar Jitiqara aýdanynyń kórsetiletin qyzmetter men taýarlardyń sapasy men qaýipsizdigin baqylaý basqarmasynyń uıǵarymymen aǵymdaǵy jyldyń 21 qazany men 5 qarasha aralyǵynda Jitiqara qalasynyń №12 orta mektebiniń kezekshi toptary qashyqtan oqytý formatyna kóshirildi, sebebi kezekshi toptardyń oqýshysynda COVID-19 anyqtaldy. №12 orta mektepte 995 oqýshy bilim alady, bıylǵy 1 qyrkúıekten bastap 259 oqýshyny qamtı otyryp, 1-4 synyp oqýshylary úshin 39 kezekshi toptyń jumysy uıymdastyryldy, qalǵan oqýshylar qashyqtyq formatta bilim alýda. Negizgi pánder sınhrondy aǵym formatynda (beınekonferensıa rejıminde) ótkiziletin bolady, — dedi basqarma basshysy.
Balalardyń ómiri men densaýlyǵyn saqtaý maqsatynda mektepterde barlyq tıisti sharalar jasalýda. Bilim alýshylar ǵımaratqa kirgen jáne shyqqan kezde medısına qyzmetkerleri barlyq qyzmetkerler men bilim alýshylardy baılanyssyz termometrlermen, qoldary men aıaq kıimniń tabandaryn tazalaý arqyly kúndelikti tańerteńgi tekserýden ótkizedi.
Al aldaǵy jeltoqsan aıynda Qostanaıdaǵy «Iýbıleınyı» shaǵyn aýdanynda eki tilde bilim beretin 1200 orynǵa arnalǵan №27 jańa orta mektepti ashý josparlanyp otyr eken. Onyń qurylysyna 3,1 mlrd teńge bólingen. Osyǵan baılanysty 14 qazannan bastap oqýshylardy aldyn ala tirkeý bastalyp ketti. Búgingi kúni atalǵan mektepten bilim alýǵa 580 oqýshy jazylǵan.
— Jazba shamamen eki aıǵa deıin jalǵasady. Dúısenbi-juma aralyǵynda saǵat 9.00-den 18.00-ge deıin júrgiziletin bolady, úzilis ýaqyty saǵat 13.00-den 14.30-ǵa deıin. Ata-analar 54-71-30, 8-705-451-87-27 nómirleri boıynsha habarlasa alady, — dedi baıandamashy.
