Qostanaı oblysy ákiminiń orynbasary Baqyt Esimova issaparmen Áýlıekól aýdanyna bardy. Sapar barysynda bilim berý mekemeleriniń jumysymen tanysty.

Baqyt Esimova birinshi Áýlıekól aýyl sharýashylyǵy kolejine at absyn burdy. Kolej dırektory Almıra Jansúgirova bilim ordasynyń tynys-tirshiligimen tanystyrdy. Onyń aıtýynsha, Áýlıekól aýyl sharýashylyǵy koleji 6 mamandyq boıynsha bilim beredi. Atap aıtar bolsaq, olar – dánekerleý isi, traktorshy, aspazshy, qurylysshy, esepshi jáne elektr mamandyqtary.

Búginde atalǵan mamandyqtarda oblystyń túkpir-túkpirinen ár túrli sanattaǵy 500-den astam stýdent bilim alýda. Alaıda, elimizdegi epıdemıologıalyq jaǵdaıǵa baılanysty, oqý qashyqtan berilip jatyr.

–Qazirgi tańda onlaın oqytý júıesinde áleýmettik jaǵynan az qamtylǵan balalar qajetti qural-jabdyqtarmen tolyqtaı qamtamasyz etildi. Máselen, bıyl oqý bitirgen túlekterdiń 80%-y óz mamandyǵy boıynsha jumysqa ornalasty. Bıylǵy túlegimiz Vıtalı Ikýnın aýdan ortalyǵynan óziniń sharýa qojalyǵyn ashyp, 20 adamdy jumyspen qamtyp otyr. Sondaı-aq, taǵy bir túlegimiz Anton Chopov óziniń jıhaz salonyn ashty. Bql jetistikterdi maqtanyshpen aıta alamyn. Sonymen qatar, memlekettik baǵdarlamalar sheńberinde de atqarylyp jatqan sharýalar az emes, – deıdi oblystyq máslıhat depýtaty, kolej dırektory Almıra Baqytqyzy.

Osy jyly oblys aýmaǵyndaǵy barlyq kolej qatysqan «WorldSkills Kostanay» baıqaýynda bilim mekemesi aspaz jáne qurylysshy mamandyqtary boıynsha ekinshi oryn ıelengen. Bilim mekemesiniń basshysy suhbat barysynda kolej jataqhanasynyń terezelerin aýystyrý týraly ótinish aıtyldy. Oblys ákimniń orynbasary bul máseleni aldaǵy ýaqytta baqylaýǵa alatynyn jetkizdi.