Еженедельная региональная аграрная общественно-политическая газета, г.Костанай, ул.Тәуелсіздік 83, Офис 621, 54-81-20, 54-08-30 kostanay-agro@mail.ru

Мы в соцсетях

Óńir basshysy ózekti máselelerge toqtaldy

Qostanaı oblysynyń ákimi Arhımed Muhambetov óńirdegi qala jáne aýdan ákimderimen selektorlyq keńes ótkizip, birqatar tapsyrma berdi, dep habarlaıdy oblys ákiminiń baspasóz qyzmeti.

Keńes barysynda áleýmettik mańyzy bar azyq-túlik taýarlarynyń baǵasyn ustap turý boıynsha qabyldanyp jatqan sharalar qarastyryldy. Arhımed Muhambetovtiń aıtýynsha, oblys turǵyndary azyq-túlik taýarlarymen tolyq qamtamasyz etiledi. Aıta keteıik, áleýmettik jelide óńirde áleýmettik azyq-túliktiń jetispeı jatqany týraly habarlama taraǵan bolatyn.

«2020 jyldyń basynan bastap áleýmettik mańyzy bar azyq-túlik taýarlaryna baǵa ındeksi 107,1%-dy qurady. Áleýmettik mańyzy bar azyq-túlik taýarlarynyń baǵasyn turaqtandyrý tetikterin iske asyrýǵa 1,4 mlrd teńge bólindi. Áleýmettik mańyzy bar azyq-túlik taýarlarynyń qory qalyptastyryldy, turaqtandyrý qoryna 14 túrli ónim satyp alyndy. Oblys aýmaǵynda satylatyn taýarlyq ıntervensıalar júrgizilip jatyr. Turaqtandyrý qory únemi tolyqtyrylyp otyrady», — dedi óńir ákimi.

Arhımed Muhambetov aýdan-qalalardyń ákimderine áleýmettik mańyzy bar azyq-túlik taýarlarynyń baǵasyn ustap turý boıynsha turaqty negizde sharalar ótkizýdi tapsyrdy.

Sondaı-aq, oblys ákimi Arhımed Muhambetov koronavırýstyq ınfeksıanyń taralýyna jol bermeý boıynsha jedel shtabtyń otyrysyn ótkizdi.

Shtab otyrysynda Rýdnyı qalasynyń, Qostanaı, Altynsarın jáne Áýlıekól aýdandarynyń ákimderi óńirdegi ahýaldy baıandady. Sondaı-aq jıynda monıtorıńilik toptardyń jumysy qarastyryldy. Qazirgi ýaqytta arnaıy top 1045 reıd júrgizip, 5440 nysandy teksergen. Tekseris barysynda 935 ereje buzýshylyq anyqtaldy, materıaldar ákimshilik sharalar qabyldaý úshin sanepıdbaqylaý organdaryna jiberilgen.

«Tek sońǵy táýlik ishinde karantın erejesi 53 ret buzyldy. Sanıtarlyq-epıdemıologıalyq baqylaý organdary buryn alynǵan materıaldardy eskere otyryp, aıyppuldar týraly 78 qaýly qabyldady.Sanıtarlyq-epıdemıologıalyq aımaqtyq basqarmanyń jaqsarmaı jatqanyn jáne kásipkerlik sýbektilerimen de, jeke tulǵalarmen de buzýshylyqtar azaımaı otyrǵanyn atap ótkim keledi. Máselen, 1 qarashada kúnine 13 jaǵdaı, al 20 qarashada táýligine 72 KVI jaǵdaı tirkeldi. Ósim óte kóp. Bizdiń oblys Respýblıka boıynsha «qyzyl aımaqqa» kirdi. Osyǵan baılanysty karantındik sharalardy 2020 jyldyń 23-30 qarasha aralyǵynda taǵy bir aptaǵa uzartýǵa májbúrmiz. Qurmetti qostanaılyqtar, sizderdi KVI taralýyna jol bermeý boıynsha barlyq usynylǵan sharalardy saqtaýǵa shaqyramyn. Epıdemıologıalyq ahýal nasharlaǵan kezde neǵurlym qatań karantındik sharalardy engizý qajettigi týyndap otyr, — dedi óńir basshysy.