Еженедельная региональная аграрная общественно-политическая газета, г.Костанай, ул.Тәуелсіздік 83, Офис 623, 54-08-30, 91-78-51 kostanay-agro@mail.ru

Мы в соцсетях

Baǵa baqylaýda

Qostanaı oblysynda áleýmettik azyq-túlik baǵasyn turaqtandyrý úshin «Tobyl» áleýmettik-kásipkerlik korporasıasy keshendi sharalar qabyldamaq.

Óńirlik komýnıkasıalar alańynda ótken brıfıńte «Tobyl» áleýmettik-kásipkerlik korporasıasy basqarma tóraǵasynyń orynbasary Baıbosyn Mýrzın:

– Birinshi surypty bıdaı nanynyń baǵasyn turaqtandyrý maqsatynda 2020 jyldyń 4 qarashasynda «Vadısa M» JSHS-men arada shart jasaldy. Seriktestik 5000 tonna kóleminde birinshi surypty bıdaı unyn jetkizedi. Oǵan 600 mln teńge baǵyttalady. Bıdaı uny naýbaıhanalyq kásiporyndarǵa beriledi, bir bólke nannyń baǵasy dúken sórelerinde 87 teńgeden aspaýǵa tıis, – dedi.

Aıta keteıik, qazir oblys ortalyǵyndaǵy dúkenderde jumyrtqanyń 10 danasy 350-380 teńgeden satylyp jatyr. Dúken ıeleri baǵanyń qymbattaýyn tasymaldaýshylarǵa tólenetin qarjymen jáne qosymsha shyǵyndardyń kóbeıýimen baılanystyrady.

– Bıyl memlekettik satyp alý sharty boıynsha «Jas-Qanat 2006» JSHS-nan 8 mln dana jumyrtqa satyp alyndy. Jumyrtqanyń bir danasyna 24,5 teńge tólendi. Sol sebepti dúkender jumyrtqanyń 10 danasyn 270 teńgeden asyrmaýǵa tıis, – dedi Baıbosyn Mýrzın.

Jergilikti áleýmettik-kásipkerlik korporasıasynyń málimetinshe, jumyrtqanyń 10 danasy 264 teńgeden, qaraqumyq jarmasynyń kılosy 255 teńgeden aspaýy kerek. Suıyq maıdyń shekti baǵasy lıtrine 388 teńge bolsa, nannyń bir bólkesi 82 teńgeden satylýǵa tıis.