Еженедельная региональная аграрная общественно-политическая газета, г.Костанай, ул.Тәуелсіздік 83, Офис 621, 54-81-20, 54-08-30 kostanay-agro@mail.ru

Мы в соцсетях

Eksport kólemi ulǵaıdy

Fedorov aýdanynda sapasy joǵary, ekologıalyq taza zyǵyr maıy óndiriledi. Jergilikti zaýyttan shyqqan ónim shetelderge eksporttalady.Kúnbaǵys maıymen salystyrǵanda, zyǵyr maıynyń adam densaýlyǵyna paıdasy mol. Ol qandaǵy holesterın kólemin azaıtyp, júrek talma aýrýlarynyń aldyn alady. Sol sebepti bul ónim ishki jáne syrtqy naryqta úlken suranysqa ıe.

Jergilikti zaýyt tek sheteldik tehnologıamen ǵana emes, sheteldik seriktesterimen de óte tyǵyz qarym-qatynasta. Ólkede óndiriletin sapaly ónim shekara syrtynda úlken suranysqa ıe. Turaqty tutynýshylary – Reseı men Qytaı.

«Zyǵyr maıyn Eýropa elderi kóp tutynady. Sondyqtan, bizdiń ónimderdiń 99 prosenti sol jaqqa eksporttalady. ,-deıdi kompanıanyń quryltaıshysy Vladımır Zaverýha.Aýdanda zyǵyr maıyn jergilikti turǵyndarǵa taratyp, tanymal etý maqsatynda birqatar sharalar júzege asyrylyp keledi. Ósimdik maıyn óndiretin zaýyt halyqaralyq standartqa saı – organıkalyq ónim shyǵaratyn kásiporyn retinde sertıfıkattalǵan.

Sondaı-aq, bıyl Tobyl óńirinde mal soıý jáne bordaqylaý alańdarynyń ózinen ǵana 356 tonna et eksporttaldy.Búgingi tańda oblysta qyryqtan astam mal semirtetin oryn bar. Eń irisi Qarabalyq aýdanynda ornalasqan. Munda toǵyz myńdaı qara mal ósiriledi. Jyl sońyna deıin bul kórsetkishti eki ese arttyrý kózdelgen. Bordaqylaý alańy 200 keliden kem tartpaıtyn buqalardy qabyldaıdy. Qunarly azyqpen salmaqtary jarty tonnaǵa jetkiziledi. Tuqymnyń basym bóligi – etti aberdın-angýstar. Olarmen birge jeke jáne fermerlik sharýashylyqtardyń qara maly da semirtilip jatyr.

«Maldy Qostanaı, Aqtóbe, Soltústik Qazaqstan oblystarynan qabyldaımyz. Batysqazaqstandyqtar da belsendi. Sol jaqtan kóptep jetkiziledi. Qaraǵandy jáne Pavlodar oblysynyń sharýalarymen de tyǵyz baılanys ornattyq. Qazir eksportqa jol qaıta ashyq. Reseı maldy tirideı satyp alady. Ózbekstanmen de kelisim-shart jasastyq. Aldaǵy ýaqytta Qytaıǵa shyqsaq degen oıymyz bar»,-deıdi bordaqylaý alańynyń dırektory Arman Esmurzın.

Aımaqtaǵy eń iri bordaqylaý alańynda jylda 30 myńdaı iri qara baǵylady. Ónimniń 70 prosenti ishki naryqty qamtamasyz etse, qalǵany eksportqa jóneltiledi. Jaqyn arada munda modýldi mal soıý beketi ashylmaq. Joba júzege asyrylsa, aýyl fermerleri maldy qalaǵa tasymaldamaıtyn bolady.